Блогер прокурордың қалтасынан ақша ұрлағаны үшін бас бостандығынан айырылды
138
Сурет: Ашық дереккөзден
Атырау қаласының №2 сотында қорқытып алу және ұрлық жасағаны үшін айыпталған блогерге қатысты қылмыстық іс қаралды. Блогер бір прокурордың қалтасынан 20 мың теңгені жасырын ұрлаған, деп хабарлайды janabastau.kz Stan.kz ақпарат агенттігіне сілтеп.
Соттың мәліметінше, жергілікті блогер супермаркеттің сөрелерінен жарамдылық мерзімі өткен тауарларды тауып, кейін супермаркет қызметкерін полицияға шағымданатын айтып қорқытып, 2 млн теңге талап еткен.
Полиция келген соң блогер жарамдылық мерзімі өткен өнімдерді сату және тауарларда мемлекеттік тілде мәліметтердің болмауы туралы арыз жазған. Мұнымен тоқталмаған блогер арызын қайтарып алу үшін 39 824 теңгеге азық-түлік алған.
Бірнеше күннен кейін блогер сот процесіне қатысқан әріптесін қолдау мақсатында Атырау қаласының №2 сотына келіп, прокурорларға арналған бөлмедегі ішінде қызметтік киім тұрған шкафты ашып, прокурорлардың бірінің қалтасынан 20 мың теңгені жасырын ұрлаған.
Сотталушы кінәсін мойындамай, өзін ақтауды сұраған.
“Сотталушының кінәсі жәбірленушілердің, куәлардың айғақтарымен және тергеу әрекеттерінің бейнежазбаларымен өз дәлелін тапты. Сот үкімімен блогер кінәлі деп танылып, оған негізінде 3 жыл 1 ай мерзімге бас бостандығынан айыру түріндегі жаза тағайындалды”, – делінген сот хабарламасында.
Сот үкімі заңды күшіне енген жоқ.
Пікірлер (0)