Қосшыдағы мектептердің тамақтану құны 750 теңге

Бала денсаулығының негізгі көрсеткіші – дұрыс тамақтану. Осы орайда Қосшы қаласының білім бөлімінің ұйымдастыруымен мектептердегі асханалар тексерілді. Тексеріс барысында оқушылардың сапалы тамақтануын қамтамасыз етуге, сондай-ақ асханалар тазалығының талапқа сай болуына ерекше мән берілді. Қалалық білім бөлімінің мәліметіне сүйенсек, өрескел кемшіліктер, заңбұзушылықтар анықталған жоқ. Ыстық тамақ қаланың барлық мектептерінде ұйымдастырылған. Оқушылардың тамақтануын ұйымдастыру бойынша қызметті жеткізушілер жеке кәсіпкер болып табылады. Бюджет есебінен 4 мыңнан астам бастауыш оқушылары үшін тегін тамақтану ұйымдастырылған. Бүгінде тамақтану құны 750 теңгені құрайды.