Мемлекет басшысы Қазақстан халқын Рамазан айының басталуымен құттықтады
Мемлекет басшысы Қасым-Жомарт Тоқаев Қазақстан халқын Рамазан айының басталуымен құттықтады, деп хабарлайды janabastau.kz Ақордаға сілтеме жасап.
![](https://janabastau.kz/images/blockquote.png)
Қымбатты отандастар! Сіздерді Рамазан айының басталуымен құттықтаймын! Халқымыз үшін Қасиетті оразаның мән-маңызы айрықша. Бұл – қоғамда имандылық, адалдық, жанашырлық, мейірімділік сияқты мызғымас құндылықтарға барынша мән берілетін кезең. Бүкіл мұсылман қауымының ынтымағы артып, бір-біріне бауырмалдығы айқын көрінетін мезгіл. Ораза айы рухани тазаруға, мұқтаж жандарға көмек қолын созып, қайырымдылық жасауға үндейді. Сол арқылы барша адамзаттың береке-бірлігі нығая түсуіне ықпал етеді. Дін мен дәстүр сабақтастығын берік ұстанатын ел татулығын, тұрақтылығы мен тыныштығын сақтап, кез келген сын-қатерден сүрінбей өте алады. Мен Қазақстан халқының әрдайым рухани үндестікте өмір сүріп, болашаққа нық қадам басатынына сенемін. Ораза қабыл болсын! Баршаңызға зор денсаулық, амандық, толайым табыс тілеймін! - деп жазды Президент.
Оқи отырыңыз
![news](https://janabastau.kz/storage/thumbnails/default/bw/yg/qsyklvwo8s4cw4wcscscs.jpg?crop=310x210&p=posts%2F2024%2F08%2Fec5decca5ed3d6b8079e2e7e7bacc9f2.jpg&s=pd)
![news](https://janabastau.kz/storage/thumbnails/default/c0/uj/dz5n5bco80gow8wkks8w4.jpg?crop=310x210&p=posts%2F2024%2F08%2F08419be897405321542838d77f855226.jpg&s=pd)
![news](https://janabastau.kz/storage/thumbnails/default/8y/5z/4z8sz30gwcoswskwk08w4.jpg?crop=310x210&p=posts%2F2024%2F08%2F3c7781a36bcd6cf08c11a970fbe0e2a6.jpg&s=pd)
Пікірлер (0)