“Мойным қанталап кетіпті”: Танымал актер Әбілмансұр Серіковке кім шабуыл жасаған?
169
Әбілмансұр Серіков. Видеодан кадр: Youtube/ Жанерке Сейфуллина
Қазақстандық танымал актер Әбілмансұр Серіков басынан өткен қызықты оқиғаны айтып берді. Сөзінше, көрермендердің бірі оны кинодағы рөлі үшін жағадан алып, шабуыл жасаған, деп хабарлайды Janabastau.kz.
Жанерке Сейфуллинамен “Айтарым бар” подкастында сұхбат берген Әбілмансұр Серіков өзіне танымалдылық әкелген рөлдері туралы айтып, басынан өткен қызықты оқиғаны баяндады. Кинодағы рөлі үшін актерге көрермен шабуыл жасаған екен.
"Көшеде танып жататыны рас. Танымалдылық әкелген түрлі рөлім бар. Үлкен буын көбіне "Дос-Мұқасандағы" кейіпкерім арқылы таниды. Осы рөліме қатысты қызықты оқиға болды. Мейрамхана алдында әңгімелесіп тұрсақ, бір апа келіп тырнағымен мойныма жармасады ғой. Шошып кеттім. "Тәте не болып қалды?" деп сұрадым. Ол кісі маған "Неге оларға тиісе бересің?" демесі бар ма?! Сөйтсем "Дос-Мұқасан" фильмі туралы айтып тұр екен. Солай рөлім үшін жағадан алды. Ертесіне түсірілімге келсем, мойным қанталап кетіпті. Жастар қауымы "5:32", "Ауыл мұғалімі" атты жобалар арқылы таниды", - деді өнер иесі.
Пікірлер (0)