Нұрлан Қоянбаев ауруханаға түсіп қалды

Актер әрі продюсер Нұрлан Қоянбаев әлеуметтік желідегі соңғы жарияланымымен жанкүйерлерін алаңдатты, деп хабарлайды JANABASTAU.KZ ақпарат агенттігі.

Ол Instagram-дағы парақшасының сторис бөліміне аурухана палатасында түсірілген суретін жариялаған.

Жолда абай болыңыздар, – деген қысқа ғана жазба қалдырды ол суретіне.

Осыдан кейін әлеуметтік желі қолданушылары Қоянбаевтың ауруханаға түсу себебін қызу талқылай бастады. Олар актер жол-көлік оқиғасына тап болуы мүмкін деген болжам айтып жатыр.

Қазір Нұрлан Қоянбаевтың нақты қандай себеппен ауруханаға жатқызылғаны жөнінде ресми ақпарат жоқ.