Семей қаласындағы Ыбырай Алтынсарин атындағы №37 мектепте экосағат өтті

Абай облысының Семей қаласында Ыбырай Алтынсарин атындағы №37 орта мектепте қалдықтарды бөлек жинауға арналған экологиялық іс-шара — экосағат өткізілді, деп хабарлайды JANABASTAU.KZ ақпарат агенттігі.

Іс-шара Қазақстан Республикасы Президентінің тапсырмасына сәйкес жүзеге асырылып жатқан Таза Казахстан бағдарламасы аясында және АО «Жасыл даму» қолдауымен ұйымдастырылды. Кездесу барысында оқушыларға қалдықтарды сұрыптаудың маңыздылығы, оларды дұрыс бөлу және қайта өңдеу жолдары туралы кеңінен ақпарат берілді.

Оқушылар тақырыпқа үлкен қызығушылық танытып, белсенді қатысып, материалды мұқият тыңдады. Сонымен қатар, іс-шараға мектеп мұғалімдері де қатысып, экологиялық мәдениет пен қалдықтарды бөлек жинау бойынша арнайы дәріс тыңдады.

Бұл оқушылармен қатар педагогтардың да білімін арттырып, экологиялық дағдыларды оқу үдерісіне енгізуге мүмкіндік береді.

Осындай экосағаттардың өткізілуі өскелең ұрпақтың қоршаған ортаға деген жауапкершілігін қалыптастырып, экологиялық ойлау қабілетін дамытуға ықпал етеді.