Тағы да ұшақ апаты: Бразилиядағы жағажайда лайнер жанып кетті

Бразилияның оңтүстігіндегі Убатуба қаласында қайғылы оқиға болды. Cessna Citation бизнес-реактивті ұшағы ұшу-қону жолағынан шығып кетіп, жағажайға құлады, деп хабарлайды janabastau.kz.

Бортта бес адам, бір отбасының анасы, әкесі және екі баласы болған әрі олар аман қалған, бірақ ұшқыш жан тапсырған. Апат кезінде жағажайда болған үш адам зардап шекті.

Ұшақ қонғаннан кейін уақытында жылдамдықты тежей алмаған, жолақтың сыртына шығып, жолды кесіп өтіп, жағажайға қарай бет алған. Әлеуметтік желілерде жарияланған кадрлар лайнердің қалай өртеніп, суда қалғанын көрсетеді.

Жағажайда болған куәгерлер жолаушыларға көмек көрсетіп, оларды эвакуациялауға көмектесті. Зардап шеккендердің барлығы, соның ішінде жағажайда болған үшеуі ауруханаға жеткізілді.

Бизнес-реактивті ұшақ 2008 жылы шығарылған. Бразилияның авиациялық тізілімінің мәліметтері бойынша қалыпты ұшу жарамдылығы жағдайында болған. 2020 жылы әуе кемесін бразилиялық кәсіпкер сатып алған.