Танымал әнші Жігер Ауыпбаев қойшы баламен не себепті араласпай кеткенін айтты
367
Сурет: ашық дереккөзден
Отандық танымал әнші Жігер Ауыпбаев өзі сахнаға шығарып, көпшілікке танымал еткен қойшы баламен бүгінде араласпай кеткенін айтты. Өнер иесі әнші жігіттің өтпелі кезеңде жүргенін жеткізді
Жігер Ауыпбаев үш ай қарқынды жұмыстан кейін қойшы баланың мінезі өзгере бастағанын айтты. Шоу-бизнес жұлдызы бүгінде онымен араласпай кетсе де, алдағы уақытта қалпына келгеннен кейін қайта оралар деп үміттенеді.
"Әзірге ашып айтпай-ақ қояйын. Бәлкім уақытша нәрсе шығар деп ойлаймын. Себебі мен қойшы баланы үш жыл бұрын жайлаудан Алматы қаласына алып келіп, үйімнен орын беріп, мектебін жайғастырып, оқуын реттеп, продюсері болмасам да, ұстазы ретінде қайда барсам бірге ертіп жүрдім. Ол менің балам емес, ата-анасы бар дегендей. Бірақ неге олай болғанын өзім де түсінбей қалдым. Себебі алда үлкен жоспарлар бар еді. 11-сыныпты бітіртіп, одан кейін оқуына дайындап жатқан едім. Өкінішке қарай, осылай болып тұр. Бала қазір өтпелі кезеңде жүр. Бәлкім өз қалпына келгеннен кейін оралар. Менің қанатымның астына өткеннен кейін үш айдан кейін өтпелі кезеңі басталды. Мінезі өзгере бастады", – дейді Ауыпбаев "ХабарLike" бағдарламасында.
Пікірлер (0)