Трамп өзіне жасалған шабуылдарды ықпалды саясатымен байланыстырды

АҚШ президенті Дональд Трамп өзіне қарсы жасалған бірнеше қастандық әрекетті елге ықпалы жоғары қызметімен байланыстырды, деп хабарлайды JANABASTAU.KZ ақпарат агенттігі. 

Интерфакс агенттігінің мәліметінше, Ақ үйдегі брифинг барысында ол мемлекетке елеулі ықпал еткен көшбасшылар жиі нысанаға ілінетінін атап өтті. Сонымен қатар президент азаматтарды кез келген қайшылықты бейбіт жолмен шешуге шақырды.

Оқиғаға түрткі болған жағдай 27 сәуірге қараған түні Вашингтон қаласындағы қонақүйлердің бірінде тіркелген. Мұнда Ақ үйде аккредиттелген журналистерге арналған дәстүрлі кеш өтіп жатқан. Шараға Дональд Трамп жұбайымен бірге және АҚШ әкімшілігінің өкілдері қатысқан.

Кеш барысында қарулы адам оқ атып, қауіпсіздік қызметі жедел әрекет еткен. Шабуылдаушы ұсталып, АҚШ Құпия қызметі қызметкері жарақат алған. Президенттің мәліметінше, қызметкердің өмірін үстіндегі бронежилет сақтап қалған.

Қазіргі уақытта оқиғаның барлық мән-жайы тексеріліп жатыр.