ҰҚК Айдос Есполовтың ұсталғанын растады

Ұлттық қауіпсіздік комитеті белгілі кәсіпкер және бұрынғы шенеунік Айдос Есполовтың ұсталғанын ресми түрде растады, деп хабарлайды JANABASTAU.KZ ақпарат агенттігі Tengrinews-ке сілтеме жасап.

ҰҚК мәлімдемесі

Елордалық БАҚ-та Есполовтың Астанада ұсталуы туралы ақпарат тарағаннан кейін ҰҚК қысқа ғана түсініктеме берді.

Мекеме өкілдерінің мәліметінше, қазіргі уақытта сотқа дейінгі тергеу жүріп жатыр.

ҚР Қылмыстық-процестік кодексінің 201-бабының 1-бөлігіне сәйкес, өзге ақпарат жария етуге жатпайды, – деп мәлімдеді ҰҚК баспасөз қызметі.

Айдос Есполов кім?

Ашық дереккөздерде Есполов кәсіпкер, бұрынғы мемлекеттік қызметкер, сондай-ақ Еуразиялық технологиялық университеттің құрылтайшысы ретінде аталады.

Ол түрлі басшылық лауазымдарды атқарған: мемлекеттік компанияның корпоративтік блогында қызмет атқарған: мұнай өңдеу зауытының коммерциялық директоры; Сенат аппараты басшысының көмекшісі; 2006 жылы Ақтөбе қаласы әкімінің орынбасары болып тағайындалған.

Жеке өміріне қатысты ақпараттар

Бірқатар ақпарат құралы Есполовты Әсел Исабаеваның бауыры деп атап отыр. Әсел Исабаева Нұрсұлтан Назарбаевтың “екінші әйелі”, ол бұрынғы Президентке екі ұл туып берген.

Алайда бұл мәліметтің рас-өтірігіне қатысты кей журналистер күмән білдіреді. Ресми органдар бұл ақпаратты растамаған.

Қазіргі уақытта тергеу құпия сақталып отыр. Айыптың нақты сипаты жарияланған жоқ.