Жауын-шашын, көктайғақ, тұман: 25 қарашаға арналған ауа райы болжамы

«Қазгидромет» РМК 25 қарашаға арналған ауа райы болжамын жариялады, деп хабарлайды JANABASTAU.KZ ақпарат агенттігі.

БҚО, Атырау, Маңғыстау, Ақтөбе

Батыста ауа райы негізінен жауын-шашынсыз, бірақ түнде және таңертең тұман, кей жерде көктайғақ болады. Жел оңтүстік, оңтүстік-батыстан соғып, кей жерлерде 15-20 м/с дейін күшейеді. Түнгі температура -2…+7°, кей жерлерде +1°, күндіз +2…+13°.

Ақмола, Қостанай, СҚО, Павлодар, Қарағанды, Ұлытау

Бұл өңірлерде түнде және таңертең тұман, көктайғақ және кей жерлерде аздап жауын-шашын болады (жаңбыр, қар). Желдің екпіні 9-14 м/с, кей жерлерде 15-20 м/с болады. Түнгі температура -5…0°, күндіз +2…+7°; Солтүстік Қазақстанда ауа райы салқын, кей жерлерде -8° дейін төмендейді.

ШҚО, Абай облысы

Шығыста ауа райы суық, кей жерлерде қар, бұрқасын және көктайғақ болады. Жел солтүстік-батыс және оңтүстік-батыстан 5-20 м/с жылдамдықпен соғады. Түнде -15…-2°, күндіз -3…+5°. Өскемен мен Семейде түнде қар жауады, тұман түседі.

Алматы, Жетісу, Түркістан, Жамбыл, Қызылорда

Оңтүстікте негізінен жауын-шашынсыз, күн ашық. Түнде 0…-5°, кей жерлерде +1°, күндіз +9…+19°. Таулы аймақтарда тұман жиі түседі. Алматы мен Талдықорғанда күн ашық, күндіз +11…+15°, Шымкент, Түркістан, Таразда +16…+19°, Қызылордада +12…+17° болады.