«23 жасына дейін пәк болды»: Бойжеткенді өлтіргендердің соты қалай өтіп жатыр

Атырауда 23 жастағы Яна Легкодимованың өліміне қатысты сот жалғасып жатыр. Сот отырысында марқұмның анасы Галина Легкодимова сөз сөйлеп, айыпталушыларды өмір бойына бас бостандығынан айыруды сұрады, деп хабарлайды JANABASTAU.KZ ақпарат агенттігі.

Марқұмның анасы сотта не айтты

ОҚИ ОТЫРЫҢЫЗ: «Басқа ер адамдармен кездесіп жүргенін білдім»: Атыраудағы жас қыздың өліміне қатысты тың дерек шықты

 «Тұншықтыр, мойнын сындыр!»: Атырауда жас қыздың өліміне күдіктілер өзара хат жазысқан

Stan.kz-тің жазуынша, әйел өз сөзінде соттан айыпталушыларды өмір бойына бас бостандығынан айыруды сұрады.

Менің қызымның аяғы да, қолы да, аяқ киімі де, шалбары да, жейдесі де – ештеңесі жоқ. Бұл заттардың бәрі қайда? Мұны тек айыпталушылар ғана біледі. Мен бір нәрсені ғана білемін, дені сау ешбір адам олардың қылмыс жасаудағы ниетін де, себебін де, ештеңесін түсінбейді. Мен өмір бойына бас бостандығынан айыру жазасын талап етемін. Бұл толығымен қылмыстық кодекске сәйкес келеді. Өмір бойына соттау – оларға берілетін ең аз жаза, – деді Галина Легкодимова сотқа.

«Айыпталушыдан жүкті болып қалған»

Әйел айыпталушылардың қызының есімін қаралау әрекеттерін қабылдауға болмайтынын атап өтті.

Ол менің қызымды өлтіруге қорықпаған. Енді оның өзін кінәлі сияқты көрсетуге тырысып отыр. Қалай менің қызымды маскүнем, есірткіге салынған, жеңіл жүрісті етіп көрсете алады? Қызым 23 жасқа келгенше пәк болды, үйден шықпай, тек оқуымен, жұмысымен және өзін дамытуымен айналысты, – дейді марқұмның анасы.

Әйел қызының айыпталушыдан жүкті болып қалғанына сенімді. Оның айтуынша, осы себепті айыпталушы қызды тез арада өлтіруге шешім қабылдаған.

Сотталушының әкесі сөз сөйледі

Сот отырысында айыпталушы Ризуан Хайржановтың әкесі де сөз сөйлеп, ұлының кінәлі екеніне сенбейтінін айтты.

Ер адамның сөзінше, сараптама өлімнің нақты себебін анықтай алмаған.

Сүйектерде өлтіруді немесе ұлымның қатысы барын дәл көрсететін күш қолданудың іздері жоқ. Барлық зақымдар өлімнен кейін пайда болған. Өлім уақыты нақты белгіленбеген, – дейді ер адам.

Айыпталушының әкесі мәйіттің қыз жоғалғаннан сегіз ай өткен соң табылғанын атап өтті. Сондай-ақ денені тапқан куәгер бұрын ол жерде болмағанын айтып, денені біреулер басқа жерден алып келген болуы мүмкін екенін жеткізді.