3D визуализация қазақстандықтарға жайлы мектептердің қандай болатынын таңдауға көмектеседі

2024 жылдың 29 сәуірі мен 10 мамыры аралығында Қазақстанның барлық тұрғындары салынып жатқан заманауи мектептердің ішкі кеңістігінің жобаларын қорытынды талқылауға қатыса алады. Бұл туралы tengrinews.kz ақпарат агенттігіне сілтеме жасай отырып, madeniportal.kz хабарлайды.

Ұлттық жобаның бірыңғай операторы – «Samruk-Kazyna Construction» АҚ білім кеңістігінің атмосферасы мен үйлесімділігін сезінуге мүмкіндік беретін 3D моделін ұсынды. 

Жайлы мектептер әлі де болса салынып жатыр, алайда қазірдің өзінде оқу бөлмелері, дәліздер, фойе, спорт залдары мен асханалар қалай безендірілетінін көруге болады. Толық ақпаратты сілтеме бойынша алуға болады. 

Виртуалды саяхат болашақ оқушыларға, олардың ата-аналарына, мұғалімдеріне және барлық мүдделі азаматтарға мектептің ішкі кеңістігінің интерьер шешімдерімен және дизайнымен танысып қана қоймай, өз пікірлерін білдіруге мүмкіндік береді. 

Компания мектептерді студенттер мен қызметкерлер үшін барынша ыңғайлы етуге тырысады, сондықтан олар барлығын сілтеме арқылы сауалнамаға қатысуға және ағымдағы жобаны жақсарту бойынша өз идеяларымен бөлісуге шақырады. 

Құрылысшылар өз жұмысында ең қызықты ұсыныстарды ескеруге уәде береді. Ескертулер мен ұсыныстар 10 мамырға дейін қабылданады.

«Бәрі де халықтың игілігі үшін жасалып жатыр. Қазіргі заманғы мектептердің түпкілікті тұтынушысы – қазақстандықтар өз балаларын заманауи мектептерде оқытуға лайық және оларды құру процесіне қатысуға құқылы.

Өткен жылдың қыркүйегінде болған республикалық талқылаудың қорытындысы бойынша 6 мыңнан астам респонденттің 90 пайызға жуығы мектептерді безендіру жөніндегі ұсыныстарымызды қолдады. Жобаны жүзеге асыру үшін әрбір отандасымыздың пікірі маңызды. 

Бүгін «Samruk-Kazyna Construction» жайлы мектептердің ішкі дизайны мен интерьерінің кезекті жалпыұлттық талқылауын жариялайды. Бұл жолы 3D визуализациясы мен 360 градустық көріністің арқасында қазақстандықтар заманауи мектептің виртуалды моделі арқылы «серуендей» алады: болашақ оқу орнының дәліздерін, сынып бөлмелерін, интерьерін, жиһаздарын, қасбетін және спорт алаңын тамашалай алады. 

Қарап шыққаннан кейін кез келген азамат ішкі дизайн мен интерьер шешімдерін жақсарту бойынша өз пікірлері мен ойларын комментарий ретінде жазып қалдыра алады. Барлық орынды ұсыныстар қарастырылады», - деп атап өтті «Samruk-Kazyna Construction» АҚ басқарма төрағасы Мәулен Айманбетов.