«95% халық орысша сөйлейді» – Абаевтың сөзіне депутат ашуланды

Мәжіліс депутаты Абзал Құспан соңғы күндері қоғамда қызу талқыға түскен Дәурен Абаевтың тілге қатысты мәлімдемесіне қарсы пікір білдірді, деп хабарлайды janabastau.kz ақпарат агенттігі. 

– «Халықтың 95 пайызы орысша сөйлейді» деген сөз – ұят қана емес, ауыр айып. Тіл саясатын ойыншық етуге болмайды. Қазақ тілін қорғамау – тілдің бетіне түкіргенмен тең. Мұны өз қандасының аузынан есту жанға батады. Ал мемлекет атынан сөйлейтін адамның айтуы – екі есе ауыр, – деді депутат.

Сонымен қатар Абзал Құспан мұндай пікірлердің дипломатиялық астарына да тоқталды. Оның сөзінше, кейде елшілер өзге елде татулықты сақтау үшін кей ойды жұмсартып айтуы мүмкін.

– Бірақ оны басқа түрде жеткізуге болар еді. Сондықтан бұл пікірмен келіспеймін. Ұят болды, – деп қорытындылады ол.