АЭС-ДАМУҒА МОЛ МҮМКІНДІК

Бүгін Қазақстандықтар референдумға қатысу үшін таңертеңнен бастап, сайлау учаскелеріне келіп, дауыс беріп жатыр. Дауыс беру барысында тұғындардың көңіл-күйі жақсы, өз еріктерімен келіп, азаматтық позицияларын танытып жатыр. Қарсыласып, шу көтеріп жатқан адам жоқ, мәдениетті түрде тыныш, қалыпты жағдайда өтіп жатқанына риза болдым.

Жалпы Атом электр станциясын салуға қарсымын, не қарсы емеспін деп айта алмаймын. Өйткені АЭС-тің пайдасы мен зияны қатар жүреді.
Қазақстан әлемде бірінші болып АЭС салып, жаңалық ашып жатқан ел емес, бұған дейін де бірқатар дамыған елдерде АЭС салынып, қазір өз жұмысын жасап жатыр. 
Сондықтан біздің елде де салынса, еліміздің болашағы балаларымыз өзге елдің электр энергиясына тәуелді болмай, өздері өндіріп жатса, жақсы деп ойлаймын. Қазақстан көп елдер үшін жабық ел, осы АЭС құрылысымен әлемге танылып, Қазақстанға қызығушылық танытып, инвесторлар келіп жатса, несі жаман.

Тілдерді оқыту орталығының басшысы Әлия Қуатжанқызы