«Бір қабылдауым – 200 доллар»: «Үкілі бала» 11 жылдан кейін бой көрсетті (ВИДЕО)

Содан кейін адамдар мені көшеде саусақтарымен көрсете бастады. Өйткені 11 жастағы бала жарқ етіп, Аралдың кішкентай ауылынан шықты. Оны Аман Тасыған келіп көрсетті. Молдалар, психологтар бар, барлығы 11 жастағы балаға жабылды. Яғни, менің психологиямда бір ауытқу және қорқыныш пайда болды. Бір журналист пен молданы көргеннен кейін барлығының көзқарасы сондай болады. Ол жерде барлығы жабылып кеткеннен кейін менде үнсіздік пайда болды. Қазақ менталитетінде үлкен кісіге артық сөйлеуге, қарсы шығуға болмайды деген бар. Оны қазір түсінемін, бірақ ол кезде түсінбедім. Ол жерде 11 жастағы бала өз ойын айтты, өз-өзін қорғау керек еді. Өйткені ол жерде оны қорғайтын бірде-бір адам болған жоқ. Ол кезде болған оқиғаға мен қазір өкінбеймін, – дейді Ерболсын Серікбаев.

Әлі күнге дейін ақша үшін ғана адам емдеймін. Ақша керек болмаса, емдемеуші едім. Маған біреудің проблемасы, ауру баласымен арпалысқан керек емес. Ақша үшін жұмыс істемеймін деген адамдарға сенбеймін. Қазіргі атқаратын жұмысымды жақсы ақшаға бағалаймын, - дейді жас емші.

Бір қабылдауым – 200 доллар. Қазақстанға келгенде 100 доллар болады. Өйткені еліміздегі халықтың әл-ауқатын түсінемін. Теңгеге шаққанда, 50 мың теңге. Қатты қымбат емес деп ойлаймын, – дейді «Үкілі бала».