"Болашақ жарым мені байқамай жүр ме?" – Мөлдір Әуелбекова сыр ашты

Танымал әнші Мөлдір Әуелбекова әлеуметтік желідегі әсерлі жазбасымен жұртты ойландырып қойды. Әнші тамыз айының ерекше мағынаға ие екенін айтып, болашақ жарына қатысты ішкі толғанысын ашық жеткізді, деп хабарлайды janabastau.kz агенттігі. 

"Тамыз… Дәл осы кезде, әдемі қызды байқамай жүрген, мүмкін дәті жетпей жүрген менің болашақ жарым бар шығар деп ойлаймын…" – деп жазды ол.

Бұл жазба көпшілікті толғандырып, "Мөлдірдің жүрегінде біреу бар ма?", "Әнші ғашық болып жүр ме?" деген сұрақтарды туындатты. Десе де, өнер иесі бұл сөздерімен әзірге нақты адамды меңзеп отырғанын ашып айтпады.

Мөлдір Әуелбекова бұған дейін де жеке өміріне қатысты жұмбақ күйде қалып, жанкүйерлерін қызықтырып жүрген еді. Бұл жолғы жазбасы да көпшіліктің қызығушылығын оятты.