Еліміздегі ең үздік романның авторы өмірбақи ай сайын 500 доллар cыйақы алады

29.06.22 сағат 05:15 Руханият

534

Mecenat.kz ұйымдастырған байқауда публицист Шархан Қазығұлдың «Күлпет» романы үздік деп танылды. Бұл туралы ол өзінің Telegram-арнасында жазды.

«Жыртық үйдің құдайы бар» деген. Биыл алғаш рет өткізілген «Қазақстан туралы ең үздік роман» әдеби конкурсының жалғыз бас жүлдесін жеңіп алдым! «Меценат.кз» компаниясы елімізде алғаш рет ұйымдастырған бәйгенің тұңғыш лауреаты болу бақыты бұйырды! Қуаныш та шек жоқ! Құдай көп көрмесін! Осы конкурста менің романым үшін дауыс берген барлық оқырмандарыма және жан-жақты жанашырлық танытқан жақын туыстарыма шексіз ризашылығымды білдіремін! Алла разы болсын!, - деп жазды қаламгер.

Жыл сайын дәстүрлі түрде өтетін байқау жеңімпаздарының есепшотына ай сайын 500 доллар көлемінде рента түсіп тұрады. Марапаттау рәсімі 5 шілде күні өтеді.