Ер адам туысқанының атынан бірнеше несие рәсімдеген
90
Фото: Polisia.kz
Текелі қаласында ер адам өзінің туысының атынан бірнеше несие рәсімдеген, деп хабарлайды janabastau.kz.
Алаяқ егде жастағы туысының сеніміне кіріп, оның атынан онлайн несие рәсімдеп, ақшаны өзіне аударып отырған.
– Жәбірленуші әйел адам полицияға оның телефонына несиелер бойынша берешекті өтеу туралы sms-хабарламалар түсе бастағанда жүгінген. Әйел адам несие алмағанын атап өткен. Полицияға хабарласқаннан кейін оның туысы телефоны мен құжаттарға еркін түрде қол жеткізгені анықталды. Осы деректерді пайдалана отырып, ол шағын мөлшерде онлайн несиелерді рәсімдеген. Алаяқ алған ақшаны өз қажеттіліктеріне жұмсаған. Сонымен қатар ол туысқанының шотындағы зейнетақы жинақтарын да өзінің шотына бірнеше рет аударған, – деп полицияда хабарлады.
Текелі қалалық соты ер адамды кінәлі деп танып, келтірілген залалдың толық өтелуімен екі жылға бас бостандығына шектеу жазасын тағайындады.
Пікірлер (0)