Қаламызда мұғалімдер арасында дәстүрлі «Тіл шебері» байқауы өтті

Дәстүрлі шара биыл екінші рет Қосшы қаласында әлемдік өркениет пен еліміздің даму бағытына сай үш тілде қазақ, орыс және ағылшын тілдерін жетік меңгерген, жан-жақты білімді, өз саласының кәсіби маманы танылған мектеп мұғалімдері арасында ұйымдастырылды. Шараға Қосшы қаласының үш мектебінің мұғалімдері қатысты. Байқау шартына сай қатысушылар “Ұлттаным”, “Мәдениеттаным”, “Полиглот”, “Өнертаным” кезеңдері бойынша бақ сынады. Олардың үш тілді меңгеру деңгейі мен тілдік норманы сақтауы, орфографиялық және орфоэпиялық сауаттылықтары бағаланды. Арнайы тағайындалған әділ-қазылар алқасының шешімімен: Қосшы қаласының 2 ші мектеп мұғалімі Сәметай Әйгерім Есболатқызы Бас жүлде иегері атанды. 1 орынды №1 мектеп мұғалімі Совет Абылай Әділұлы; 2 орынды №2 мектеп мұғалімі Төлеш Мира Алмасқызы; 3 орынды IT мектебінің мұғалімі Әлімбаев Әлихан Мәуленұлы иеленді. Барлық қатысушылар “Тіл шебері – 2023” дипломымен және заттай сыйлықтармен марапатталды.