Қосшы – Әуежай – Теміржол вокзалы

«Жолаушылар тасымалы» АҚ «пойыз+ұшақ» интермодальды тасымалдауды ұйымдастыру бойынша жүргізіліп жатқан жұмыс шеңберінде «Uvu» компаниясымен, халықаралық әуежаймен және Қосша қаласының әкімдігімен бірлесіп ағымдағы жылы маусымның 29 күнінен бастап пилоттық режимде «Тұрақты шаттл» қызметін іске қосады. Жоба «Қосшы қаласы - Нұрсұлтан Назарбаев халықаралық әуежайы – «Нұрлы Жол» теміржол вокзал кешені» бағыты бойынша жолаушыларды күнделікті жайлы шағын автобустармен тасымалдауды көздейді. Тұрақты шаттл күнделікті жөнелтіледі: - сағат 08.30-да вокзалдан әуежайға және Қосшы қаласына; - сағат 09:10-да әуежайдан Қосшы қаласына; - Қосшы қаласынан сағат 16.30-да әуежай мен вокзалға; - сағат 17.10-да әуежайдан вокзалға дейін. Жолаушыларға ыңғайлы болу үшін автокөлік белгіленген уақытқа дейін күтеді: - вокзал маңы алаңында; - әуежайда № 2 Терминал тұрағының бірінші желісінде; - Қосшы қаласында "Әйгерім "сауда үйі жанындағы жылы аялдамада. Қызмет құны 950 теңгені құрайды. Естеріңізге сала кетейік, интермодальды тасымалдауды дамыту аясында «Жолаушылар тасымалы» АҚ бұрын «Перроннан үйге дейін» және «Тапсырыс бойынша автобус» қызметтерін ұйымдастырған болатын. Бұл жаңалық қала тұрғындары үшін тиімді әрі ыңғайлы. Басқа елге немесе елі шіндегі қалаларға жол жүру үшін Астана қаласына барып, одан кейін әуежайға, темір жол вокзалына сабылатын адамдар үшін бұл жоба біраз әурешілдікті жеңілдетіп, уақытты ұтымды пайдалануға да септігін тигізеді.  

Тілеубек БАТЫС