«Jańa bastau» газеті үздіктердің қатарында

XIII кезекті «Арқа төрі - Ақмола» облыстық байқауы өз мәресіне жетті. Ақмола облысы бұқаралық ақпарат құралдары арасындағы облыстық байқау аясында Қосшы қаласының әлеуметтік-экономикалық және қоғамдық саяси «Jańa bastau» газеті «Үздік баспа басылымы» аталымын жеңіп алды. Салтанатты шараға облыстағы бұқаралық ақпарат құралдарының басшылары, журналистика ардагерлері, республикалық бұқаралық ақпарат құралдарының меншікті тілшілері, байланыс саласының қызметкерлері қатысты. Бүгінгі күн Ақмола облысында халықты ел мен жердің тыныс-тіршілігімен таныстырып, жаһандағы жаңалықтан хабардар етіп отырған газет пен журнал, радио мен телевизия саласында 1000-ға жуық адам жұмыс істейді. Билік пен қоғамды байланыстыратын алтын көпір ретіндегі ақпараттық қызметтері үшін журналистерді кәсіби мерекесімен шын жүректен құттықтаймыз!