Қосшы қаласының ішкі саясат, мәдениет, тілдерді дамыту және спорт бөлімі мәдениет саласы бойынша 2022 жылғы атқарылған жұмыстары туралы есеп берді

Мәдениет үйінің шығармашылық ұжымымен 2022 жылы 128 іс-шара өткізіліп, қамтылған көрермендер саны 31 100 адамды құраған. Қосшы қаласының Мәдениет үйінде 160 қатысушысы бар 9 мәдени құрылым жұмыс істейді. 2022 жылы "Ақмола жұлдыздары" халық шығармашылығы байқауына 500 -ден астам адам қатысқан. Қалалық кітапхананың жұмысы және кітап қорын толтыру жұмыстары қолға алынуда. Облыс әкімі Ермек Боранбайұы Қосшыға келген сапарында кітапхана жұмысымен танысқан болатын. Сондағы берген арнайы тапсырмасына сәйкес кітап қорын толтыру үшін 5 млн теңге облыстық бюджеттен бөлініп отыр. Ағымдағы жылға Қосшы қаласының мәдениет нысандарын дамыту үшін қалада 400 орындық мәдениет үйінің құрылысына жобалық-сметалық құжаттаманы әзірленуде. Бүгінгі таңда жобалық-сметалық құжаттама аяқталу сатысында, сәулет-құрылыс бөлігі, сыртқы желілер, бас жоспар, эскиздік жоба жобасы аяқталды. Жобалық-сметалық құжаттаманы аяқталу мерзімі 2023 жылдың 1 сәуірі. Сондай-ақ, Болат Өтемұратов Қоры Қосшыда қоғамдық мәдени-спорт орталығын салады. 2025 жылдың наурыз айына таман Қосшы қаласында тұрғындар спорт секцияларына, музыка сабақтарына және мәдени шараларға қатыса алатын жаңа қоғамдық мәдени-спорт орталығын пайдалануға беру жоспарлануда. Құрылыс аяқталғаннан кейін орталық қаланың коммуналдық меншігіне өтеусіз беріледі. Жаңа орталықтың ауданы 7.7 мың шаршы метрді құрайды. Қосшының орталығында Республика көшесі бойында құрылыс үшін жер учаскесі анықталған. Қазіргі уақытта егжей-тегжейлі дизайн жобасын әзірлеу жүріп жатыр, ал белсенді құрылыс кезеңі 2023 жылдың күзінде басталады. Қор 8,5 млрд теңге бөлмекші және жаңа орталықты салу және жарақтандыру бойынша барлық шығындарды өзіне алады. Косша халқының көбеюіне байланысты ересектер мен балалардың сапалы бос уақытын қамтамасыз ету үшін қоғамдық орталыққа деген қажеттілік айқын, жаңа орталықта балалар мен жастар үшін пайдалы үйірмелер, музыкалық сыныптардан бастап спорт залдарына, клубтарға, түрлі талғам мен қажеттіліктерге арналған секцияларға дейін қамтылған. Қосшыдағы Қоғамдық мәдени-спорт орталығы Қазақстандағы алғашқы осындай орталық болмақ. Нысан үш негізгі бөліктен – білім беру, мәдени және спорттық бөліктерден тұрады деп жоспарлануда. Қалада мемлекеттік «Artsport» бағдарламасымен 11 шығармашылық клуб жұмыс істейді. Ондағы 69 үйірмеде 2633 бала өнер мен мәдениет саласында шығармашылықпен шұғылдануда. 2022 жылы Мәдениет үйінің ғимаратына ағымдағы жөндеу жүргізілді, дыбыс жазу студиясы жасақталды, барлық кабинеттерде жарықдиодты панель орнатылды. Жылыту жүйесіне ағымдағы жөндеу жүргізілді. Алқа мәжілісінде "Мұра" вокалдық аспаптық ансамблінің орындауында "Отан" әнінің тұсауы кесілді. Әннің сөзі Мұқағали Мақатаевтікі, әні Аққу Байжігіттікі. 2022 жылғы жеткен жетістіктер бойынша көрме ұсынылды.