Қосшыда жеке қаражат есебінен мектеп салынып жатыр

Ақмола облысының әкімі Ермек Боранбайұлы Маржықпаев Қосшы қаласында жұмыс сапар аясында жеке қаражат есебінен салынып жатқан мектеп құрылысымен танысты. Жоба жетекшісі Ярослав Пак құрылыс-монтаж жұмыстары аяқталуға жақын екенін, жабдықтар жеткізіліп жатқанын атап өтті. Әр кабинетте интерактивті, маркер және бор тақтасы болады. Аумақты абаттандыру және спорт алаңдарын – футбол және баскетбол алаңдарын, жүгіру жолын ұйымдастыру жұмыстары басталды. Шығармашылықты дамыту үшін керамика шеберханасы, фото және бейне студия, фортепиано және халық аспаптары сыныбы бойынша үш музыка кабинеті қарастырылған. Жұмыстарды оқу жылы басталғанға дейін аяқтау жоспарлануда.