ЛГБТ насихатының әсері қоғамда алаңдаушылық туғызады – зерттеу нәтижелері

2025 жылғы 30 шілдеде Астана қаласында кәмелетке толмағандар арасындағы ЛГБТ тақырыбының психологиялық және ақпараттық ықпалы бойынша зерттеу нәтижелері сарапшылар мен ғылым өкілдерінің қатысуымен талқыланды. Жиын ҚР Парламенті Мәжілісіндегі арнайы жұмыс тобының бастамасымен өтті, деп хабарлайды JANABASTAU.KZ ақпарат агенттігі. 

Талқыланған зерттеу 2024 жылы жарияланған «Қазақстан Республикасында ЛГБТ-ның ашық және жасырын насихатына қарсымыз» атты петиция негізінде қолға алынған. Зерттеу жұмысын үйлестірген – адам құқықтары мен демократияны қорғау бағытында танылған «Өркендеуге жәрдемдесудің Ұлттық қоры».

НЕГІЗГІ ТҰЖЫРЫМДАР

Жиын барысында ұсынылған есепте жасөспірімдерге дәстүрлі емес жыныстық қатынастарды насихаттайтын контенттің ықпалына қатысты келесідей мәселелер көтерілді:

Цифрлық кеңістіктегі контент жасөспірімдердің гендерлік сәйкестігіне қатысты шатасу мен мазасыздық тудыруы мүмкін;

Жас ерекшелігі ескерілмей берілетін ақпарат – тұлғалық даму жолында деструктив факторға айналуы ықтимал;

Атап айтқанда, мультфильмдер, балалар әдебиеті мен сериалдардағы символикалық бейнелер жасөспірімдердің «тұрақтылық сезіміне» қауіп төндіреді.

МАЗМҰНДЫҢ ПСИХОЛОГИЯЛЫҚ САЛДАРЫ

Психикалық денсаулық саласының өкілі, Н.Б. Есімовтың пікірінше, гендерлік сипаттағы идеологияланған медиа-контенттің артықшылығы келесі кері әсерлерге әкелуі ықтимал:

√ мазасыздық пен сенімсіздік деңгейінің артуы;

√ эмоционалдық тұрақсыздық пен депрессиялық көңіл күй;

√ әлеуметтік оқшаулану сезімі;

√ тұлғааралық қарым-қатынастың қиындауы.

ҚҰҚЫҚТЫҚ ШЕҢБЕР ЖӘНЕ БОЛАШАҚ ТАЛҚЫ

Зерттеу кезеңінде әлеуметтік желілерде ЛГБТ тақырыбына қатысты 1559 материал тіркелген. Респонденттердің 63,7 пайызы осы ақпаратты әлеуметтік медиа арқылы алатынын айтқан. Бұл – дәстүрлі БАҚ көрсеткішінен әлдеқайда жоғары (42,6%).

Сарапшылардың пікірінше, дәл осы цифрлық орта жасөспірімдер үшін тек ақпарат көзі ғана емес, сондай-ақ идеологияға толы, психологиялық тұрғыда тиімсіз ортаға айналып отыр.

ҚҰҚЫҚТЫҚ ШЕҢБЕР ЖӘНЕ БОЛАШАҚ ТАЛҚЫ

Ұсынылған есеп халықаралық тәжірибеге сүйене отырып, дәстүрлі емес жыныстық бағдарды насихаттауға қатысты құқықтық шектеулер мен реттеу тетіктерін де қамтыған.

Зерттеу қорытындылары ҚР Парламентіне және тиісті мемлекеттік органдарға жолданды. Қоғамдық және парламенттік деңгейдегі талқылаулар биылғы қыркүйек айында жалғасуы мүмкін.

🟡 JANABASTAU.KZ ескертеді: тақырыпқа қатысты пікірталас – қоғамдағы құндылықтар жүйесін анықтайтын күрделі үдеріс. Ақпараттық қауіпсіздік пен азаматтардың құқығын қорғау арасындағы тепе-теңдік – уақыт талабы.