Мәжіліс депутаты қаламгерлерге қаламақы беру мәселесі нақты шешілуі тиіс екенін айтты

Қазіргі қоғамда заманауи қазақ әдеби кейіпкердің бейнесі толық сомдалмаған. Әдебиет пен мемлекеттік идеология арасындағы өзара ықпал әлсіз, жас буынның әдебиетке қызығушылығы төмен. Сондықтан бұл бағытта жүйелі мәдени саясат пен рухани бағдар қажет. Қазір қазақ әдебиетінде рухани дағдарыс байқалады, көп шығарма тек өткен заманың сүрлеуінен шыға алмай отыр. Ал қазір елге болашаққа сенімді, жарқын жол көрсететін шынайы шығармалар керек. Әсіресе, жастарға ұлттық ұстаным мен жарқын технологиялық жаңа заманды ұштастыра білген ұлттық әдеби кейіпкерлер керек, - деді депутат.

Біздің ұсынысымыз Қазақстанда да АҚШ, Қытай, Германия, Үнді елдеріндегідей Әдебиет институтын ашу керек. Кезінде Кеңес одағының өзі Әдебиет институтын ашып, қаламгерлердің жаңа буынын дайындап шығарды. Қаламгерлер алаңсыз шығармашылықпен айналысуы үшін еңбегіне лайықты қаламақы мәселесі нақты жолға қойылуы тиіс, - деді Мәжіліс депутаты.