Министрдің атынан жалған мәлімдеме жасалды — дипфейк дауы

Қазақстанда премьер-министр орынбасарының атына қатысты дипфейк видео тарады, деп хабарлайды janabastau.kz ақпарат агенттігі. 

Қазақстанның ақпараттық кеңістігінде дипфейктердің жаңа толқыны пайда болды. Бұл жолы алаяқтар премьер-министрдің орынбасары – Сыртқы істер министрі Мұрат Нұртілеудің бейнесін қолданған.

Жалған видеоға сәйкес, Мұрат Нұртілеу мен қазақстандық журналисттің арасында сұхбат жүріп жатқандай көрініс жасалған. Онда вице-премьердің Ресей Федерациясының әскери-әуе кемелерінің Қазақстан аумағында еркін ұшуын «толық заңдастырдық» деген сөзі бейнеленген. Сол сәтте журналистің де бұл мәлімдемені растайтын пікір айтқаны көрсетілген.

Алайда бұл ақпарат шындыққа сәйкес келмейді. Құзырлы мемлекеттік органдар бұл видеоны жалған дипфейк деп танып, азаматтарды осындай арандатушылыққа бой алдырмауға және тек ресми дереккөздерге сенуге шақырып отыр.