Нұрлан Әлімжанов алғаш рет ұлдарын көрсетті (ВИДЕО)

Танымал әнші әрі актер Нұрлан Әлімжанов әлеуметтік желіде ұлдарымен бірге түскен бейнежазба жариялап, көпшілікпен қуанышты жаңалығын бөлісті, деп хабарлайды janabastau.kz .

Өнер иесінің айтуынша, оның кенже ұлы Нұрмұхаммед Баянғалиев мектепті биыл тәмамдап, өнер жолын таңдаған. Жас түлек алғашқы кәсіби туындысын да тыңдарманға ұсынды. Әнші бұл қадамның оның шығармашылық жолындағы алғашқы белесі екенін атап өтті.

«Менің «Соңғы қоңырау» атты жаңа әнім жарыққа шықты. Бұл әннің сөзін әкем – Баянғали Әлімжанов жазса, орындаған менің ұлым – Нұрмұхаммед Баянғалиев. Айтпақшы, Нұрмұхаммед биыл мектеп бітірді. Бұл – оның кәсіби тұрғыда жазған алғашқы әні. Әке жолын қуып, ол да өнерге барам деп жатыр. Алла тілеуіңді берсін, құлыншағым», – деп жазды Нұрлан Әлімжанов.

Айта кетейік, Нұрлан Әлімжанов екі ұлдың әкесі. Ұлдарының есімі – Ғабдолла және Нұрмұхаммед. Желі қолданушылары жас өнерпазға сәттілік тілеп, жылы лебіздерін жаудырып жатыр.