«Президент — халық жалдаған басқарушы» - Тоқаев

Қазақстан Президенті Қасым-Жомарт Тоқаев Астана халықаралық форумының пленарлық сессиясында сөз сөйлеп, президенттік өкілеттіктің бір ғана 7 жылдық мерзіммен шектелу себебін түсіндірді.

«Президент — бұл өз халқымен белгілі бір мерзімге жалданған мемлекеттік басқарушы. Біздің жағдайда бұл мерзім – 7 жыл», – деді Мемлекет басшысы.

«Суперпрезиденттік» жүйеден — жаңа модельге

Тоқаевтың айтуынша, Қазақстан «Суперпрезиденттік» басқару формасынан «Күшті Президент – Ықпалды Парламент – Есеп беретін Үкімет» қағидасына негізделген жаңа саяси жүйеге өтті. Бұл қадам:

• Саяси жүйені тұрақты етеді

• Экономиканы бәсекеге қабілетті әрі серпінді етеді

• Қоғамды өркениетті бағытқа жетелейді

«Бұл – саяси жүйенің тұрақтылығына, экономиканың серпінді дамуына және азаматтық қоғамның өркендеуіне негіз болады», – деп атап өтті Президент.

Форумға кімдер қатысты?

Форум аясында халықаралық деңгейдегі бірнеше саясаткер мен сарапшылар бас қосты. Олардың қатарында:

• Руанда Президенті Поль Кагаме

• Солтүстік Македония Президенті Гордана Силяновска-Давкова

• Еуропа Кеңесінің Бас хатшысы Ален Берсе

• БҰҰ-ның бұрынғы Бас хатшысы Пан Ги Мун

• БҰҰ жүйесіне қарасты ұйымдардың жетекшілері және өзге де халықаралық тұлғалар болды.