«Қайрат» ФК кезекті матч алдында көшбасшысымен қош айтысты

Алматылық «Қайрат» футбол клубы Премьер-лиганың 26-турындағы «Астанаға» қарсы матчтың алдында өзінің көпжылдық көшбасшысы, бразилиялық 37 жастағы шабуылшы Жоао Пауломен қоштасқанын ресми түрде мәлімдеді, деп хабарлайды JANABASTAU.KZ ақпарат агенттігі Sportinside.kz-ке сілтеме жасап.

Еске сала кетсек, Жоао Пауло «Қайрат» сапында ойнаған жылдары барлығы 112 матч өткізіп, 47 гол соққан. Ол үш рет Премьер-лиганың үздік сұрмергені атанған. Сонымен қатар, алматылық командамен бірге Қазақстан чемпиондығын, Кубогын және Суперкубогын жеңіп алған.

Биылғы маусымның басында футболшы сіңірінен ауыр жарақат алып, маусымның соңына дейін алаңға шыға алмады. Бүгін клуб ресми түрде оның командадан кететінін жариялады.

Сондай-ақ Жоао Пауло Қазақстанда «Ордабасы» (Шымкент) клубының да намысын қорғаған болатын.