«Қайрат»-«Реал» матчы: 18 жастағы қақпашы батыл мәлімдеме жасады

Алматылық «Қайрат» футбол улубының жас қақпашысы Шерхан Қалмырза Чемпиондар лигасындағы мадридтік «Реалға» қарсы алдағы матчқа қатысты ойын айтты, деп хабарлайды JANABASTAU.KZ ақпарат агенттігі Vesti.kz-ке сілтеме жасап.

Бұл – үлкен жауапкершілік. Тек клуб үшін емес, бүкіл ел үшін ойнау керек. Бізді бүкіл Қазақстан, тіпті ТМД елдері де қолдайды деуге болады. Қарсыласымыз – үлкен клуб. Бірақ соған қарамастан, біз өз ойынымызды көрсетуіміз керек. Бүкіл әлемге Қазақстанда талантты футболшылар бар екенін дәлелдегіміз келеді, – деді Шерхан Қалмырза Qsport телеарнасының эфирінде.

Еске сала кетсек, қазір бұл 18 жастағы спортшы Александр Заруцкий мен Темірлан Анарбековтің жарақат алып, қатардан шығып қалуына байланысты, «Қайраттың» негізгі қақпашысы болып тұр.