«Қайрат» жанкүйері билет үшін BMW көлігін айырбастады

Алматылық «Қайрат» жанкүйері көлігін футбол матчының билеті үшін айырбастағанын айтты, деп хабарлайды janabastau.kz ақпарат агенттігі. 

Оның сөзінше, билет құны 1 миллион теңге болған.

«Бастапқыда билет алып үлгермедім. Кейін басқалардан сатып алуға тура келді. Олар 1 миллион теңге сұрады. Мұндай ақшам болмаған соң, BMW көлігімді беріп орнына билет алдым. Өкінемін, ішім ашып тұр», – деді жанкүйер.

Бұл оқиғаға әлеуметтік желі қолданушылары түрліше пікір білдірді. Көпшілігі жанкүйердің әрекетін «қате», «топас», «обалы жоқ» деп сынаса, енді бірі «футбол түсінбейтіндер ғана осылай істейді» деген пікір қалдырған.