«Қатындардың құтырғаны жақсы болды»: Блогер ақынның сөзіне қатысты пікір білдірді

20.11.25 сағат 04:35 Жаңалықтар

138

Фото: harpersbazaar.kz

Әзілкеш, блогер Нұрмақан Мұқанұлы ақын Бақыт Беделханның «қатын құтырған заман болды» деген сөзіне қатысты пікір білдірді, деп хабарлайды JANABASTAU.KZ ақпарат агенттігі.

ОҚИ ОТЫРЫҢЫЗ: «Қатын құтырған заман болды!»: Белгілі ақын билік қазақ отбасын ойрандап отырғанын айтты (ВИДЕО)

Ол әйелдер құтырмаса, экономикамыз тұралап қалатынын айтады.

Қатындардың құтырғаны жақсы болды қайта. Концерт жасайсың, 80-90% билетті солар алады. Кино түсірсең залды солар толтырады. Зат сатсаң, бірінші клиент те, тұрақты клиент те солар. Құтырған қатын бұл маркетологтың идеясы, блогердің контенті, продюсердің бюджеті, ең бастысы, еркектің мотивациясы! Әр брендтің артында бір құтырған қатын, әр істің артында «айттым ғой саған» дейтін қатын тұр. Қатындар құтырмаса, экономикамыз тұралап қалатындай екен, - деп жазды ол желідегі парақшасында.