Қазақстанда балалардың түнгі шуы үшін ата-аналарға айыппұл салынады

Қазақстан полициясы тұрғындарға түнгі тыныштықты сақтау тәртібі туралы ресми ескерту жасады, деп хабарлайды janabastau.kz ақпарат агенттігі. 

Қолданыстағы заңнамаға сәйкес, қатты дыбыс пен шудың шектелу уақыты белгіленген:

• жұмыс күндері – сағат 22:00-ден 09:00-ге дейін;
• демалыс және мереке күндері – сағат 23:00-ден 10:00-ге дейін.

Аталған уақыт аралығында айқайлау, қатты жылау, пәтер ішінде жүгіру және өзге де шу шығару заң бұзушылық болып саналады.

Айыппұл мөлшері:

• алғаш рет бұзған жағдайда – 5 АЕК (19 660 теңге);
• қайталанған жағдайда – 10 АЕК (39 320 теңге).

Полиция балалардың түнгі уақытта жасаған әрекеттері үшін ата-аналар жауапты екенін атап өтті. Сондай-ақ, кәмелетке толмағандардың түнгі уақытта қараусыз көшеде жүруіне жол берген жағдайда да ата-аналар әкімшілік жауапкершілікке тартылады.