Қазақстандық гимнастар Әлем кубогында алтын медаль жеңіп алды

Қазақстан құрамасы батуттағы гимнастикадан Германияның Котбус қаласында өткен Әлем кубогы кезеңінде жүлдегер атанды, деп хабарлайды janabastau.kz ақпарат агенттігі. 

Синхронды секіру бағдарламасында қазақстандық спортшылар Данил Мусабаев пен Никита Тумаков 52,200 ұпай жинап, алтын медаль иеленді.

Күміс жүлде Германия спортшылары Кайо Локстерман мен Фабиан Фогельге бұйырды (52,050 ұпай). Ал үшінші орын Ұлыбритания өкілдері Зак Перзаманос пен Кори Уолкске (51,530 ұпай) тиесілі болды.