Құлсарыда үш күннен бері митинг жалғасып жатыр

Су тасқынынан зардап шеккен Құлсары тұрғындары өтемақы талап етіп, президент Тоқаевқа үндеу жасады, деп хабарлайды janabastau.kz.

Құлсары қаласының орталығында митинг жалғасып жатқанына бүгін үшінші күн. Атырау облысы әкімі тұрғындардың талаптары орындалмайтынын айтқандықтан со олар президентке жүгінді.

Мамырдың 16-нан 17-не қараған түні Жылыой ауданы әкімдігінің алдына «Үйдің ақшасы қолға берілсін» деген плакат ұстаған наразылық білдірушілер видеоролик түсіріп, Қасым-Жомарт Тоқаевқа үндеу тастады. Айтуларынша, енді таңдаулары қалмай, президентке жүгінуге мәжбүр.