Ресейдің Украинаға қарсы соғысына Куба жауынгерлері де тартылған

Reuters агенттігінің хабарлауынша, АҚШ мемлекеттік департаментінің ішкі құжаттарына Ресей жағында кубалықтардың да соғысып жүргені туралы мәлімет тіркелген, деп хабарлайды JANABASTAU.KZ ақпарат агенттігі.

Солтүстік Кореядан кейінгі орында Ресейдің басқыншылық соғысын жауынгерлермен Куба қамтып отыр. Түрлі деректер бойынша, 1 мыңнан 5 мыңға дейінгі кубалық Украинада соғысып жүр, - делінген ол құжатта.

Бұл мәліметтерді АҚШ БҰҰ-ға жіберіпті. Ұйым АҚШ-тан Кубаға 1960 жылы салған эмбаргосының күшін жоюды сұрағанда, дәйек ретінде осы мәліметтерді алға тартқан.