Сенатор Нұртөре Жүсіп қазақ тілінің мәртебесін арттырудың маңызы туралы айтты

22.02.24 сағат 02:28 Жаңалықтар

Сенаттың Әлеуметтік-мәдени даму және ғылым комитетінің төрағасы, «Бір ел – бір мүдде» депутаттық тобының жетекшісі Нұртөре Жүсіп Қазақстан халқы Ассамблеясы мен «Қазақ тілі» халықаралық қоғамы арасындағы Ынтымақтастық туралы меморандумға қол қою рәсіміне қатысты, деп хабарлайды janabastau.kz Сенаттың баспасөз қызметіне сілтеме жасап. Нұртөре Жүсіп еліміздегі қоғамдық келісім мен жалпыұлттық бірліктің экожүйесін қалыптастырудың басты құралы ретінде қазақ тілінің жоғары рөлі туралы айтып берді. Сондай-ақ Мемлекет басшысы қазақ тілінің дамуы мен мәртебесін арттыру мәселесіне ерекше назар аударып отырғанын атап өтті.

«Президент қазақ тілінің рөлін күшейту мәселесін бірнеше рет көтерген болатын. Қазақ тілі уақыт өте келе ұлтаралық қарым-қатынас тілі және үлкен саясат құралы болуға тиіс екені атап өтілді. Мемлекет басшысының осы бағыттағы саяси бағытын іске асырудың стратегиялық маңызы зор деп санаймын. Шынында да, көріп отырғанымыздай, қазақ тілі жаңа келбетке ие болып келеді, ал оның сұранысқа ие болғаны дәлелді қажет етпейтін факт болып табылады. Сонымен қатар, біздің тіліміздің танымалдығы тек Қазақстанда ғана емес, одан тыс жерлерде де артып келеді. Әлемдік қоғамдастық біздің тілімізге, мәдениетімізге және тұрмысымызға зор ықылас танытуда. Менің ойымша, мұның бәріне Президентіміздің ашықтық пен дипломатия саясаты ықпал етіп отыр. Бүгінгі шара көздеген бағытты жүзеге асырудағы маңызды қадамдардың бірі – қазақ тілінің рөлін күшейту деп санаймын», - деді Нұртөре Жүсіп.

Сенатор сонымен қатар Мемлекет басшысы қойған міндеттер аясында Парламент «Бір ел – бір мүдде» депутаттық тобы атынан мемлекеттік тілді қолдану аясын кеңейтуді көздейтін кешенді шаралар қолға алынатынын атап өтті.