Степногорскіде екі бапкер жарыс кезінде төбелесті (ВИДЕО)

Степногорскіде панкратион мен грэпплинг жарысы кезінде екі бапкер бір-бірімен төбелесіп қалды, деп хабарлайды JANABASTAU.KZ ақпарат агенттігі.

Оқиға балалар мен жасөспірімдер спорт мектебінің ғимаратында болған. Төбелестің бейнежазбасы ата-аналардың ашу-ызасын тудырды. Олар мұндай әрекет оқу орнының беделіне нұқсан келтіреді деп мәлімдеді.

Белгілі болғандай, мектеп әкімшілігі бапкерлердің штаттық қызметкерлер емес екенін, олар тек залды уақытша пайдалануға алғандарын түсіндірді.

Полиция оқиғаның мән-жайын анықтау үшін тергеуді бастады. Тексеру қорытындысы бойынша іс жүргізу шешімі қабылданады.