Тойдағы әдепсіз ойындарға тыйым салынуы мүмкін

Мәжіліс отырысында елімізде той мен корпоративтерде өтетін "әдепсіз" ойындарға тыйым салу мәселесі көтерілді, деп хабарлайды JANABASTAU.KZ ақпарат агенттігі.

Сондай-ақ әлеуметтік желілерде, фильмдерде, жарнамада және басқа да салаларда ЛГБТ үгіт-насихатына тыйым салатын заңға өзгерістер енгізу мәселесі де талқыланды.

ОҚИ ОТЫРЫҢЫЗ: Тойда іш киімін шешіп билеген қыз жұрттың жағасын ұстатты (ВИДЕО)

Мәжіліс депутаты Айна Мысырәлімованың айтуынша, жаңа заң аясында кейбір үйлену тойларында және отбасылар балаларымен бірге қатысатын іс-шараларда әдепсіз элементтері бар ойындар мен конкурстар ұйымдастырылады.

Түрлі ойындар өткізіледі. Олардың ішінде сексуалды сипаттағысы да аз емес. Халқымыз балаларымен бірге тойларға барады. Заңда порнографияны, қатыгездік пен зорлық-зомбылықты насихаттайтын және балаларға зиян келтіретін массмедиа, әдебиет, мәдени-көркем іс-шараларды пайдалануға тыйым салынатыны жазылған, – деді ол.

Мәдениет және ақпарат вице-министрі Евгений Кочетов бұл заңдағы тұжырым барлық көрермендік іс-шараларға, соның ішінде тойларға да қатысты екенін айтты. Дегенмен ол бұл жаңа норма екенін және оның қалай қолданылатыны мен бақылау тетіктері әзірге нақты анықталмағанын атап өтті.