Ұшақ апаты: борттағы адамдар аман қалған жоқ

Аргентинада әуе шоуы кезінде ұшақ құлап, екі ұшқыш қаза тапты, деп хабарлайды janabastau.kz ақпарат агенттігі. 

Аргентинадағы Кордоба провинциясында әуе шоуы қайғылы оқиғамен аяқталды. Бель-Виль қаласының аэродромында болған шара барысында ұшақ апатқа ұшырап, екі ұшқыш мерт болды.

Полицияның мәліметінше, қаза тапқандар – Санта-Фе провинциясының тұрғындары.

Алдын ала деректерге сәйкес, әуеде теңселіп кеткен әуе кемесі ұшу-қону жолағына соғылып, соққыдан кейін өртенген. Апаттың нақты себебі әлі анықталмаған.