Жаңбыр, қар: алдағы күндерге арналған ауа райы болжамы

«Қазгидромет» 13, 14, 15 қарашаға арналған ауа райы болжамын жариялады, деп хабарлайды JANABASTAU.KZ ақпарат агенттігі.

Алдағы күндері Қазақстан аумағының басым бөлігінде жаңбыр мен қар жауады. 13 қарашада шығыста және оңтүстік-шығыста қатты жауын-шашын (жаңбыр, қар) жауады.

Республика бойынша тұман түсіп, көктайғақ болады, жел күшейеді. Тек еліміздің оңтүстігі мен оңтүстік-батысында жауын-шашын жаумайды.

Ауа температурасы төмендейді:

• Солтүстікте түнде -5…-12°С, күндіз -0…-6°С,
• Солтүстік-батыста түнде -2…-10°С, күндіз -0…-5°С,
• Орталықта түнде -3…-13°С, күндіз -6…+3°С,
• Шығыста түнде -8…-20°С, күндіз -0…-10°С. 
• Қалған өңірлерде өзгермейді.