2025 жылғы 7-14 ақпанда Қытайдың Харбин қаласында ІХ қысқы Азия ойындары өтеді

Осы жолы жарыстарды Харбин және оның шығысында 200 шақырым жерде орналасқан Ябули қаласы да қабылдамақ, деп хабарлайды janabastau.kz. 

Харбинде коньки спорты түрлері, шайбалы хоккей мен кёрлинг жарыстары, ал Ябулиде шаңғы спорты, биатлон, шаңғы альпинизмі жоспарланған. ҚР Туризм және спорт министрлігі Спорт және дене шынықтыру істері комитеті төрағасының орынбасары Азамат Имашевтің айтуынша, кешенді жарысқа құрлықтағы 32 елден 1147 спортшы қатысады. Олар спорттың 6 түрінен (11 дисциплина) 196 медаль жиынтығын сарапқа салады. 

«Еліміздің Ұлттық құрамасы спорттың 6 түрінен 139 спортшы (71 ер, 68 әйел) алып барады. Олар 50 медаль жиынтығына таласады», - деді спикер ОКҚ алаңында өткен баспасөз конференциясында.