30 тамыз – Конституция күні

Қазақстанның Ата заңының іргетасына тәуелсіздік ала салысымен 1991 жылы түрен салына бастады. Алайда мемлекеттің негізгі құқық негіздері екі жылдан кейін, 1993 жылы ғана қаланды. Ата заңымыз 1995 жылдың 30 тамызында жалпыхалықтық референдум нәтижесінде қабылданды.  Ол 9 бөлімнен, 98 баптан тұрады.  

Конституция "Жалпы ережелер", "Адам және азамат", "Президент", "Парламент", "Үкімет", "Конституциялық кеңес", "Соттар және сот төрелігі", "Жергілікті мемлекеттік басқару және өзін-өзі басқару",  "Қорытынды және өтпелі ережелер" сынды бөлімдерден тұрады. 

Ал 2022 жылы 5 маусымдағы референдум нәтижесінде Конституцияның бірқатар бабына түзету енгізіліп, елдің саяси жүйесін демократияландыруға, азаматтардың құқықтарын кеңейтуге бағытталған маңызды қадамдар жүзеге асты. Ата заңымыз бүгінде еліміздің тұрақтылығы мен қоғамдық келісімінің кепілі болып, саяси жүйенің жаңаруына, ел дамуының басты бағдарына айналып отыр.