"Елді әділ басқару үшін Конституцияны қайта жазу қажет" - депутат
438
Сурет: Ашық дереккөзден
Жаңбыршин: «Қағаздағы реформа халық өмірінде сезілмей отыр»
Соңғы екі жарым жылда жүргізілген реформалар қарапайым халықтың өміріне айтарлықтай әсер етпегенін Мәжіліс депутаты Нұржан Жаңбыршин мәлімдеді. Оның айтуынша, қағаз жүзінде оң өзгерістер бар болғанымен, халық күнделікті өмірде оны сезбей отыр, деп хабарлайды JANABASTAU.KZ ақпарат агенттігі.
Депутат Қазақстан дамуы үшін шешілуі тиіс үш негізгі мәселені атады:
Біріншіден, басқару жүйесі түбегейлі өзгеруі керек. «Елді әділ басқару үшін Конституцияны қайта жазу қажет. Заң барлық азаматқа бірдей қолданылмайынша, әділет болмайды», – деді Жаңбыршин.
Екіншіден, билікке жаңа әрі таза кадрларды тарту қажет. «Қазір басшылық орындарға танысы, туысы немесе ақшасы бар адамдар тағайындалып жүр. Бұл елді алға бастырмайды. Басшылыққа тек мықты, ел үшін шынайы жұмыс істейтін азаматтар келуі тиіс», – деп атап өтті ол.
Үшіншіден, ұлттық идеология қалыптастырудың маңыздылығын айтты. «Әркімге жағыну мен жалтақтау тоқтауы керек. Мемлекеттің басты мақсаты – елдің мүддесін қорғау және ұлттық құндылықтарды бірінші орынға қою», – деді депутат.
Жаңбыршин егер осы үш мәселе шешілмесе, Қазақстан «аутсайдер ел» болып қала беру қаупі бар екенін ескертті.
Пікірлер (2)
Толық қолдаймын. Сонымен қатар, зейнеткер жасында біраз адал, елім, жерім деген, беделді азаматтар бар, соларды қалай пайдалануды ойластыру керек (жергілікті жерлерде оларды халық біледі, қолдайды). Тоқсаныншы жылдардан бастап талай соққыдан, електен өткен олардан басқару, оқыту, тәжірибе алмасу, кеңесшілік істерінде көп көмек болар еді. Ана дамыған Қытай, Жапония елдерінде басқару жүйесінде 70-80-дегі азаматтар көп.
Дұрыс айтады. Әлбетте біз осы жазылған мақалаға қосыламыз!