Ақмолада пойыз астына түскен көпбалалы ана соңғы хат қалдырған

 Ақмола облысында көпбалалы ана пойыз астына түсіп қайтыс болды. Қайғылы оқиға 10 маусымға қараған түні Аршалы ауданына қарасты Анар станциясында болған, деп хабарлайды janabastau.kz smartnews.kz- ке сілтеме жасап. 

 Облыстық көлік полициясы бұл фактіні растады. Оқиға бойынша ҚР Қылмыстық кодексінің 344-бабы, 2-бөлігі — «Теміржол көлігін пайдалану ережелерін бұзу, абайсызда адам өліміне әкеп соққан іс-әрекет» бойынша іс қозғалған. Тергеу жүріп жатыр, басқа деректер жарияланбайды.

Әлеуметтік желіде тараған бейресми ақпаратқа қарағанда, 62 жастағы әйел өз-өзіне қол салған.

Туыстарына «Іздемеңдер, кетіп қалдым» деп хат жазып қалдырғаны айтылады.

Ауылдастары оның мұндай қадамға баруын денсаулығына байланысты ұзақ уақыт бойы күресіп келе жатқан ауыр дертпен байланыстырады.

— Жағдайы жақсы, отбасы түгел еді. Бірақ қатты науқас болды, амал таппаған сияқты, — дейді марқұмды танитын ауыл тұрғындарының бірі.

Пойыз қозғалысы уақытша тоқтатылып, станцияда оқиға орны қоршауға алынған. Тергеу амалдары жалғасуда.