АҚШ енді Сирияны бомбалап жатыр

АҚШ Сирияда тыйым салынған, террористік ұйым деп танылған ИГ позицияларына соққы жасады. Бұл «Қыран соққысы» операциясы аясында жүзеге асырылды, деп хабарлайды JANABASTAU.KZ ақпарат агенттігі Ulysmedia.kz-ке сілтеме жасап.

Операция Пальмирада америкалық және сириялық әскери қызметкерлерге жасалған шабуылдан кейін басталған. Al Arabiya мәліметінше, соққыларға Иордания ӘӘК-нің F-16 жойғыш ұшақтары қатысып, террористердің 35 нысанасына шабуыл жасалған.

Соққылар Сирия аумағындағы ИГ позицияларына бағытталды және Пальмирада америкалық және сириялық әскерилерге жасалған өлімге әкелген шабуылға жауап ретінде басталған «Қыран соққысы» операциясының бір бөлігі болды, – делінген АҚШ Қарулы күштері Орталық қолбасшылығының хабарламасында.

Еске сала кетсек, 2025 жылғы 13 желтоқсанда Сирияның Пальмира қаласында екі америкалық әскери қызметкер және АҚШ-тан келген азаматтық аудармашы қаза тапқан болатын.