Астанада цех өртенді

Елорданың Байқоңыр ауданы Ақсай көшесі бойында орналасқан шаруашылық корпусында өрт шықты. Өрт сөндірушілер қызыл жалынмен екі сағаттай күресіп, өртті ауыздықтады. Бұл туралы ТЖМ мәлім етті, деп хабарлайды JANABASTAU.KZ ақпарат агенттігі.

Зардап шеккендер туралы ақпарат түскен жоқ. Өртке қарсы қызметі жоғарғы ранг бойынша жұмыс жасаған.

Өрт сөндірудің жедел штабы құрылып, 4 жауынгерлік учаске жұмыс істеді.

Астана уақытымен 08:58–де өрт оқшауланды.

Өрт 500 шаршы метр алаңда сөндірілді. Нақтыланған мәлімет бойынша, газ блоктарын шығаратын цех шатыры өртенген. Зардап шеккендер жоқ, — деп жазды ТЖМ баспасөз қызметі.

Еске салсақ, бұған дейін Астананың Нұра ауданында көп қабатты тұрғын үйдің екінші қабатындағы пәтерден өрт шығып, құтқарушылар 33 адамды эвакуациялағанын жазған едік.