Атыраудағы төрт адамның жоғалуы: Полиция «хакерге» іздеу жариялады

Желіде "хакер" атты белгісіз адамның Атырау облысында жұмбақ жағдайда жоғалған адамдарды өз бетінше тапқаны туралы ақпарат пайда болды. Облыстық полиция департаменті бұл ақпаратқа қатысты түсініктеме берді, деп хабарлайды JANABASTAU.KZ ақпарат агенттігі.

Ведомствоның баспасөз қызметінің хабарлауынша, ""хакер" жоғалған адамдардың жүрген жерін өз бетінше тауып, SIM-карталарына талдау жүргізді немесе қаржылық операцияларын анықтаған" деген желідегі ақпарат шындыққа жанаспайды. 

"Шын мәнінде берілген барлық ақпаратты ішкі істер органдарының бөлімдері желіде жазбалар пайда болғанға дейін заңды жедел-іздестіру және тергеу шаралары аясында анықтаған, содан кейін ол ресми ақпарат түрінде рәсімделген. Атырау облыстық полиция департаменті хабарлағандай, аталған тұлға ешқандай тың ақпарат тапқан жоқ немесе тәуелсіз техникалық талдау жүргізген жоқ. Ол жеткізген ақпарат ресми мәліметпен толық сәйкес келеді", - деді полиция өкілдері. 

Ведомствоның мәліметінше, барлық дерек салалық техникалық мамандардың қатысуымен және байланыс операторларымен және басқа да уәкілетті ұйымдармен бірлесіп, заңнамалық талаптарды қатаң сақтай отырып алынған. Полиция тарапынан қысым немесе қорқыту туралы ақпарат шындыққа жанаспайды.

Полиция адамдарды тек ресми ақпарат көздеріне сенуге шақырды және жалған ақпарат тарату Қазақстан заңнамасы бойынша қылмыстық жауапкершілікке тартылып, жазаланатынын ескертті. 

"Сондай-ақ осы тұлғаға қатысты бұрын алаяқтыққа қатысты төрт қылмыстық іс қозғалғанын хабарлаймыз. Қазіргі уақытта тергеу жұмыстары жүргізілуде, күдіктіге белгіленген тәртіппен іздеу жарияланды. Тергеу шаралары жалғасуда", - деп хабарлады Атырау облыстық полиция департаменті өкілдері.