Ауғанстанда интернетке тыйым салынды: Ахундзада түпкілікті шешім қабылдады

Ауғанстанның жоғарғы көшбасшысы Хайбатулла Ахундзада ел аумағында интернет пен Wi-Fi-ды толықтай өшіруге бұйрық берді, деп хабарлайды janabastau.kz ақпарат агенттігі Afghanistan International-ге сілтеме жасап.

Ақпаратқа сәйкес, аталған шешім түпкілікті болып, қайта қаралмайды. Қазірдің өзінде 17 қыркүйектегі жағдай бойынша елдің 34 провинциясының 10-ында интернетке қолжетімділік толық тоқтатылған.

Бұл қадам қоғамда үлкен алаңдаушылық туғызды. Сарапшылардың пікірінше, интернетке жаппай тыйым салу ақпарат алмасуға, экономикалық байланыстарға және халықтың күнделікті өміріне айтарлықтай әсер етуі мүмкін.